ل دهۆكێ دوو كەس ب تۆمەتا بەلاڤكرنا ماددەیێن هۆشبەر هاتنە گرتن

ئاڤا دیجیتاڵ

ئاسایشا دهۆكێ ڕاگەهاند، دوو كەس ب تۆمەتا بەلاڤكرن و فرۆتنا ماددەیێن هۆشبەر ل قەزا سێمێلێ هاتنە دەستەسەركرن كو چەك ژی دگەل دا بوویە.

ڕاگەهاندنا فەرمی: ئاسایشا پارێزگەها دهۆكێ د ڕاگەهاندنەكێ دا كو وێنەیەك بۆ ئاڤا نیوز هنارتیە و دبێژیت، د ئۆپەراسیۆنەكێ دا تیمێن ئاسایشێ ل قەزا سێمێلێ دوو كەس دەستەسەركرنە كو كارێ فرۆتن و بەلاڤكرنا ماددەیێن هۆشبەر دكر و دەمانچە و نارنجۆك دگەل دا بوونە. 

زانیاریێن زێدەتر: نوكە پەرەیێن ڤەكۆلینێ بۆ وان دوو تۆمەتباران هاتینە ڤەكرن و ل دویڤ بەندێ 26ـێ ژ یاسایا ماددەیێن هۆشبەر دێ سەرەدەری دگەل دا هێتە كرن.

باكگراوند: بتنێ د سالا 2023ـێدا هزار و 280 كەس لسەر بازرگانیكرن و بكارئینانا ماددەیێن هۆشبەر ل پارێزگەها دهۆكێ هاتینە دەستەسەركرن.