وەزارەتی تەندروستی بڕیارێک بۆ سەرتاشخانەکان دەردەکات

ئاڤا نیوز

بەکارهێنانی شەفتی مووسی تراشکردن لە سەرتاشخانەکان قەدەغە دەکرێت و بڕیارەکە دەکرێتە مەرجێکی سەرەکی بۆ نوێکردنەوەی مۆڵەتی تەندروستییان.

بۆچی گرنگە: ئەم هەنگاوە بۆ سەلامەتی گیانی هاووڵاتیانە و بەمەبەستی کۆنتڕۆڵکردنی نەخۆشییە گوازراوەکانە.

ڕاگەیێنراوی فەرمی: دکتۆر سەرکار سورچی، گوتەبێژی وەزارەتی تەندروستیی هەرێمی کوردستان ڕایگەیاند، دەبێت لەمەودوا سەرتاشخانەکان  گوێزانی سەفەری ( Disposable )  بەکاربێنن.

زانیاریی زیاتر: ئەم بابەتە دەکرێتە مەرجێکی سەرەکی نوێکردنەوەی مۆڵەتی تەندروستی سەرتاشخانەکان، لەمڕۆوە کە بڕیارەکە دەرچووە دەکەوێتە واری جێبەجێکردنەوە.

ئەوەی پێویستە بیزانیت: بڕیارەکە گشتاندنی بۆ کراوە بۆ تەواوی بەڕێوەبەرایەتییە گشتییە تەندروستییەکان، بۆ ئەوەی کاری پێویست و بەپەلە بکەن بە ئاگادارکردنەوەی تیمەکانی چاودێری تەندروستی بۆ سەردانکردن و پشکنینی گشتی سەرتاشخانەکان لە هەموو شوێنێک.