وەزیری ناوخۆ: بەکۆیلەکردنی کچانی ئێزدی مرۆڤایەتی هەژاند

ئاڤا نیوز

 

وەزیری ناوخۆی حکومەتی هەرێمی کوردستان لە چوارچێوەی ڕێوڕەسمێکی یادی 10 ساڵەی کۆمەڵکوژیی ئێزدییەکان لە ئەڵمانیا ڕایگەیاند، ئەو کۆمەڵکوژییە وەک قۆناغێکی ڕەش لە مێژووی نوێدا ناوی دەهێنرێت.

 

لێدوانی فەرمی: ڕێبەر ئەحمەد، وەزیری ناوخۆ ڕایگەیاند: "شەش هەزار ونبووی ئێزدی لای ئەو نووسینگەیەی حکومەت تۆمارکراون کە بۆ ڕزگارکردنی ئێزدییەکان دامەزراوە، لەو ژمارەیەش سێ هەزار و 200 کەسیان ئازادکراون و گەڕێنراونەتەوە نێو خێزانەکانیان".

 

لەلایەکی دیکەوە: "بەکۆیلەکردنی کچانی ئێزدی لەلایەن داعشەوە مرۆڤایەتی هەژاند". ڕێبەر ئەحمەد ئەمەشی گوت.