بنەماڵەی شەهیدان و ئەنفالکراوان بۆ ئەنجامدانی بایۆمەتری ئاگادار دەکرێنەوە

ئاڤا نیوز  

بەڕێوەبەرایەتی شەهیدان و ئەنفالکراوان بنەماڵەی شەهیدان لەسنووری هەولێر ئاگادار دەکاتەوە، لەڕۆژی یەکشەممەوە پرۆسەی بایۆمەتری بۆ وارسی شەهیدان و وەرگرتنی کۆدی بایۆمەتری دەستپێدەکات.

وێنە گەورەکە: پرۆسەی بایۆمەتری بۆ دەستخستنی داتای کەسییە بەشێوەی ئەلیکترۆنی، کە تەواوی زانیاریی کەسی و پەنجەمۆر و پشکنینی چاوی ئەلیکترۆنی لەخۆ دەگرێت.

ڕاگەیێنراوی فەرمی: بەگوێرەی ئاگادارییەکەی بەڕێوەبەرایەتی شەهیدان و ئەنفالکراوان کە ئەمڕۆ هەینی بڵاوکراوەتەوە، لە ڕۆژی یەکشەممەوە 11-8-2024 پرۆسەی دابەشکردنی کۆدی بایۆمەتری دەستپێدەکات و 60 ڕۆژ  واتا دوو مانگ بەردەوام دەبێت.

ئەوەی پێویستە بیزانیت: بەڕێوەبەرایەتی گشتی شەهیدان وئەنفالکراوان لە گەڕەکی ئازادی هەولێرە، هەر وارسێکی شەهید دەچێت بۆ وەرگرتنی کۆدی بایۆمەتری پێویستە ناسنامەی شەهیدان و کارتی نیشتیمانیان لابێت، بڕیاردراوە ئەو وارسانەی بایۆمەتریان ئەنجام نەداوە مووچەکانیان ڕادەگیرێت.