سبەی کۆبوونەوەی ئەنجوومەنی پارێزگای کەرکووک نەکرێت چی ڕوودەدات؟

ئاڤا نیوز  

سبەی دوا وادەیە بۆ یەکلاکردنەوەی پۆستی پارێزگار و سەرۆکی ئەنجوومەنی پارێزگای کەرکووک، ئەندامێکی ئەنجوومەنەکە دەڵێت " ئەگەر سبەی کۆبوونەوە بەڕێوەنەچوو، دەچینە ڕێگەیەکی نادیارەوە".

وێنە گەورەکە: مانگێک لەبەردەم ئەنجوومەنی پارێزگای کەرکووک بوو کە پۆستەکانی پارێزگار و سەرۆکی ئەنجوومەن یەکلا بکەنەوە، سبەی دوا ڕۆژی ئەو وادەیەیە، هیچ یەکێک لە پۆستەکان یەکلا نەکراونەتەوە.

لێدوانی فەرمی: سەلوە ئەحمەد، ئەندامی فراکسیۆنی عەرەبی لە پارێزگای کەرکووک بە ئاڤا نیوزی گوت: تاوەکو ئێستا بەفەرمی سەبارەت بە بەڕێوەچوونی کۆبوونەوەی ئەنجوومەن ئاگادار نەکراوینەتەوە و سبەی ئەو وادەیە کۆتایی دێت کە لەبەردەم فراکسیۆنەکانی ئەنجوومەن بوو بۆ ڕێککەوتن و یەکلاکردنەوەی پۆستەکانی پارێزگاکە.

چارەسەرەکان: ئەگەر هاتوو سبەی کۆبوونەوەی ئەنجوومەنەکە بەڕێوەنەچوو، دەچینە ڕێگەیەکی نادیارەوە و ئەوکات دەبێت دەسەڵاتی جێبەجێکار ماوەیەکی دیکە بە فراکسیۆنەکان بدات، بۆ ئەوەی بگەنە ڕێککەوتن، هەروەها یەکێک لەو 16 ئەندامەی ئەنجوومەنیش ڕابسپێرێت بۆ بەڕێوەبردنی کاروبارەکانی پارێزگای کەرکووک. سەلوە ئەحمەد وادەڵێت.