ڕووسیا ئامادەیە ڕۆڵی ناوبژیوان لەنێوان تورکیا و سووریا بگێڕێت

ئاڤا نیوز

 

ڕووسیا پاڵپشتی لە ئاساییکردنەوەی پەیوەندییەکانی نێوان ئەنکەرە و دیمەشق دەکات، هەروەها ئامادەکارییەکانی بۆ پەرەپێدانی کارەکانی کۆبوونەوەی سەرکردایەتی نێوان هەردوو وڵات دەستپێکردووە.

 

وێنە گەورەکە؛ سەرەڕای ئەوەی تورکیا خواستی ئاساییکردنەوەی پەیوەندییەکانی لەگەڵ سووریا هەیە، بۆ ئەمەش چەند جارێک بانگهێشتی بەشار ئەسەد، سەرۆکی ئەو وڵاتەیان کردووە و داوای نێوەندگیری لە مۆسکۆ و بەغدا کراوە، بەڵام تاوەکو ئێستا ئەم کۆبوونەوەیە نەکراوە.

 

لێدوانی فەرمی؛ میخائیل بۆگدانۆڤ، جێگری وەزیری دەرەوەی ڕوسیا کە لەهەمان کاتدا پۆستی نوێنەری تایبەتی سەرۆکی ڕووسیا بۆ وڵاتانی ڕۆژهەڵاتی ناوەڕاست و ئەفریقای بەدەستەوەیە گوتی: ئێمە پشتگیری لە پرۆسەی ئاساییکردنەوەی پەیوەندییە حکومییەکانی نێوان تورکیا و سووریا  لەسەر بنەمای دانپێدانانی یەکتر بە یەکپارچەیی خاک و سەروەری، دەکەین.

 

گۆشەیەکی دیکەی ڕووداوەکە: جگە لە مۆسکۆ، بەغداش ڕۆڵی نێوەندگیر دەبینێت، وەک ئامادەکارییەک بۆ کوبوونەوەی سەرکردایەتی نێوان ئەنکەرە و دیمەشق، چەندین کۆبوونەوەی نێوان وەزارەتی دەرەوەی هەردوو وڵات لە بەغدا ڕێکخراوە.