ئینستاگرام لە تورکیا کەوتەوەکار

ئاڤا نیوز

توركیا بەشێوەیەكی فەرمی كۆتایی بە بلۆككردنی ئەپڵیكەیشنی ئینستاگرام هێنا، دوای  ڕازیبوونی کۆمپانیاکە بە مەرجەکان.
 

وێنە گەورەکە: ئیسنتاگرام لە تورکیا 50 ملیۆن بەکارهێنەری هەیە، بەهۆی چالاکییە بازرگانییەکان لە تۆڕە کۆمەڵایەتییەکەدا داهاتی ڕۆژانە 57 ملیۆن دۆلارە.

ڕاگەیەنراوی فەرمی:  دوای هەشت ڕۆژ لە قەدەغەکردنی ئینستاگرام لەلایەن حکومەتی تورکیا، ڕۆژی شەممە 10-8-2024 قەدەغەکردنەکە ڕاگیرا.

ئەمەش بزانە: دوای کردنەوەی تۆڕە کۆمەڵایەتییەکە، یەكەمین پۆستی وەزیری گواستنەوە و گەیاندنی توركیا لەسەر ئیسماعیل هەنییە بوو.

زانیاریی بەدەستهاتوو: تورکیا ژمارەیەک مەرجی بۆ ئینستاگرام دانابوون:

-سەرجەم بڵاوکراوەکانی پەکەکە و یەپەگە و ئەندامانی سەر بە گولەن لە مێتا لادەبرێن. 

-حکومەتی تورکیا ناوی ئەو ئەکاونتە فەرمیانەی ڕێگەپێدراون بۆ مێتا دەنێرێت. 

-ئینستاگرام پابەند دەبێت بە سیستەمی یاسایی تورکیا سەبارەت بە لابردنی ئەو پۆستانەی کە تاوانن لە چوارچێوەی یاساکانی تورکیا.

-تورکیا بەکارهێنەرانی ئەو پلاتفۆرمە بە سیستەم دەکات.