کۆنسوڵی پێشووی ئەمریکا لە هەولێر: دڵنیابن ئەمریکا لەگەڵتان دەمێنێتەوە

ئاڤا نیوز 

 

لە ڕێوڕەسمی ماڵئاواییكردنی، كۆنسوڵی گشتیی پێشووی ئەمریكا لە هەرێمی كوردستان دڵنیایی دەداتە دانیشتووانی هەرێمی كوردستان و دەڵێت "ئەمەریكا لەگەڵتان دەمێنێتەوە".

 

وێنە گەورەكە: لە ماوەی چەند هەفتەی ڕابردوودا دەنگۆی كشانەوەی هێزەكانی ئەمریكا كە ئێستا وەک تیمی ڕاوێژكاری لە هەرێمی كوردستان و عێراقن، بەچڕی بڵاوبووەتەوە، بەڵام كۆنسوڵی گشتیی پێشووی ئەمریكا لە هەولێر لەمبارەیەوە دڵنیایی دەدات.

 

زانیاریی بەدەستهاتوو: ئێوارەی چوارشەممە 14-08-2024، لە شاری هەولێر، ڕێوڕەسمی ماڵئاواییكردن لە مارک سترۆ، كۆنسوڵی گشتیی ئەمریكا لە هەولێر و دەستبەكاربوونی ستین بریتنی، كۆنسوڵی نوێ بەڕێوەچوو.

 

لێدوانی فەرمی: مارک سترۆ، كۆنسوڵی گشتیی پێشووی ئەمریكا لە هەرێمی كوردستان لە ڕێوڕەسمەكەدا ڕایگەیاند: بۆ ئەوانەی دەڵێن ئەمریکا جێتان دەهێڵێت، دڵنیابن ئەمریکا لەگەڵتان دەمێنێتەوە، ساڵی داهاتوو گەورەترین کۆنسۆڵگەریی لە هەولێر دەکەینەوە.