لەپێناو خاوەنپێداویستییە تایبەتەكان شەقامەکانی هەولێر هێڵكاری دەكرێن

ئاڤا نیوز  

پارێزگاری هەولێر ڕایگەیاند، بۆ دیاریکردنی شوێنی خاوەنپێداویستییە تایبەتەکان هێڵکاری شەقامەکانی هەولێر دەکرێت.

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی ڕاگەیاند: "ئێستا لە هێڵکارییەکانی شەقامەکانی شاری هەولێر گرنگی بە دیاریکردنی شوێنی خاوەنپێداویستییە تایبەتەكان دەدرێت و دەپارێزرێن، هەروەها لە هەموو شەقامەکانی شاری هەولێریش دروستدەکرێت".

لە لایەکی دیکەوە: ئاریان ئەحمەد، گوتەبێژی وەزارەتی کار و کاروباری کۆمەڵایەتی بە ئاڤا نیوزی گوت: "لە هەرێمی کوردستان زیاتر لە 76 هەزار خاوەنپێداوستی تایبەت هەن و لە هەولێریش زیاتر لە 21 هەزار".

بۆچی گرنگە: هێڵكاری شەقامەكان وادەكات شۆفێران ئاگاداری پەڕینەوەی خاوەنپێداویستییە تایبەتەكان بن، ئەوانیش دووربن لە ڕووداوی نەخوازراو.