تیمی دانوستانکاری ئیسرائیل داوایەک لە سەرۆکوەزیرانی وڵاتەکەیان دەکەن

ئاڤا نیوز  

تیمی دانوستانکاری ئیسرائیلی کە بەشدارن لە کۆبوونەوەکانی ئاگربەستی غەززە، داوا لە سەرۆکوەزیرانی وڵاتەکەیان دەکەن ڕێگەیان پێی بدرێت بۆ گەیشتن بە ڕێکكەوتن. 

ئەوەی پێویستە بیزانیت: دوای ئەوەی وەزیری دەرەوەی ئەمریکا ڕایگەیاند: نەتەنیاهۆ بەڵێنی داوە کە ڕێککەوتنەکە جێبەجێ دەکات، بە ڵام نەتانیاهۆ بە تەواوەتی ئەم کارە جێبەجێ ناکات. 

زانیاریی بەدەستهاتوو: ئاژانسی هەواڵی ئاکسیۆس لە زاری بەرپرسانی ئیسرائیل بڵاویانكردەوە: نەتەنیاهۆ ڕێگە بە تیمی دانوستانکار نادات بگەنە ڕێککەوتن. 

زانیاریی زیاتر: تیمی دانوستانکاری ئیسرائیلی کە پێكدێت لە سەرۆکی موساد و یاوەرانی، نەتانیاهۆیان ئاگادارکردووەتەوە کە دەتوانن بگەن بە ڕێککەوتن ئەگەر ڕێگەیان پێی بدرێت، نەتانیاهۆ باوەڕی وایە کە ئەگەر ئیسرائیل پێداگر بێت لە شەڕ، ئەوا حەماس تێکدەشکێت.

وێنە گەورەكە: زیاتر لە 10 مانگە شەڕ لە غەززە بەردەوامە، تائێستا نزیكەی 40 هەزار كەس كوژراون كە زۆرینەیان ژن و منداڵن فشارەكانیش بۆ گەیشتن بە ئاگربەست و ڕاگرتنی شەڕ بەردەوامن.