ئێران: ساتی ئەنجامدانی هێرشەکەمان بۆ سەر ئیسرائیل ئاشکرا ناکەین

ئاڤا نیوز

 

سوپای پاسداران ڕایدەگەیێنێت، ئێران واز لە تۆڵەسەندنەوە ناهێنێ و لەهەمان کاتدا، کاتی هێرشەکەی سەر ئیسرائیل ئاشکرا ناکەن. 

 

ڕاگەیێنراوی فەرمی: وتەبێژی سوپای پاسدارانی سەربە ئێران ڕایگەیاند،  "ئیسرائیل دەبێت لە حاڵەتێکی ناسەقامگیردا بمێنێتەوە، وەڵامی ئەمجارەی تاران جیاوازتر لە جاری پێشوو دەبێت و وەڵامێکی بەپەلە نابێت. فەرماندەکانمان بە ئەزموونن و دەزانن کەی و چۆن دوژمنەکان سزا بدەن."

 

لەلایەکی دیکەوە: موحسین ڕەزایی، فەرماندەیەکی  پێشوویی سوپای پاسداران بە کەناڵی بە سی ئێن ئێنی ئەمریکی ڕایگەیاند: دەبێت بە زووترین کات ئاگربەست بکرێت، نابێت ئیسرائیل و ئەمریکا هەڵەکانی ڕابردوو دووبارە بکەنەوە.

 

ئەمەش بزانە: لە مانگی چواری ئەمساڵدا، ئێران بۆ یەکەم جار لە مێژوودا بە شێوەیەکی ڕاستەوخۆ لە ڕێگەی 300 موشەک و درۆنەوە هێرشی کردە سەر ئیسرائیل.