فیلمی کفن لە هەولێر نمایش دەکرێت

ئاڤا نیوز

بەهۆی زۆری فرۆشی بلیتەوە لە یەکەم ڕۆژی نمایشدا لە هەولێر، هۆڵێکی دیکەی نمایش بۆ فیلمی کفن ئامادەکرا.

چیرۆکی سەرەکی: کفن فیلمێکی کوردییە، بە یەکەم فیلمی درێژی ترسناکی کوردی هەژمار دەکرێت، لە چیرۆکێکی ڕاستییەوە وەرگیراوە و باسی نووشتە و جادوو دەکات، لەلایەن ئاڤا میدیا و کۆمپانیای میترۆنۆم پڕۆدەکشن بەرهەمهێنراوە.

زانیاریی زیاتر: سروشت عەبەڕەش دەرهێنەری فیلمەکەیە و چەندین ئەکتەری دیاری کورد ڕۆڵی تێدا دەگێڕن، ئەمڕۆ 22ـی ئاب لە سەرجەم سینەماکانی هەرێمی کوردستان یەکەم ڕۆژی نمایشکردنی فیلمەکەیە و دوو مانگ بەردەوام دەبێت.

لێدوانی فەرمی: ئاگری هەورامی، نوێنەری کۆمپانیای میترۆنۆم پرۆدەکشن لە هەولێر بە ئاڤا نیوزی ڕاگەیاند: "سەرجەم بلیتەکانی کاتژمێرەکانی حەوت، هەشت، نۆ و دە فرۆشراون، ئەمەش ژمارەی پێوانەیی فرۆشی بلیتی فیلمێکە لە پێش نمایش".