سوودانی لەبارەی چلە فەرمانێک ئاراستەی هێزە ئەمنییەکان دەکات

ئاڤا نیوز

سەرۆکوەزیرانی عێراق داوا لە هێزە ئەمنییەکان دەکات لە چەند کاتژمێری داهاتوودا سەرنجی زیاتریان لەسەر پاراستنی ئاسایشی ڕێوڕەسمی چلەی ئیمامی حوسێن بێت.

وێنە گەورەکە: بەمەبەستی چاودێریکردنی کارەکانی تایبەت بە ڕێوڕەسمی چلەی ئیمامی حوسێن کە سبەی بەڕێوەدەچێت و بۆ ئەم مەبەستە ملیۆنان زیارەتکار هاتوونەتە عێراق، ئێوارەی ئەمڕۆ سەرۆکوەزیرانی عێراق گەیشتە پارێزگای کەربەلا و سەرپەرشتی کۆبوونەوەی لیژنەی باڵای چلەی کرد.

ڕاگەیێنراوی فەرمی: محەممەد شیاع سوودانی، سەرۆکوەزیرانی عێراق لە کۆبوونەوەکەدا ڕایگەیاند، پێویستە هەوڵەکانی هێزە ئەمنییەکان بۆ پاراستنی ئاسایشی ڕێوڕەسمی چلە زیاتر بکرێن و بەهەموو شێوەیەک ئاسانکاری بکرێت بۆ گەڕانەوەی زیارەتکاران لە چەند کاتژمێری داهاتوودا.

زانیاریی زیاتر: سوودانی بەپێویستی دەزانێت کار کەسەر ئەو بابەتانە بکرێت کە وەک لایەنی نەرێنی لە ڕێوڕەسمی چلە دیاریکراون و لە داهاتوودا چارەسەر بکرێن، هەروەها هەموو هەوڵێک بدرێت تا لە چەند کاتژمێری داهاتوودا گەڕاندنەوەی پێچەوانەی زیارەتکاران بەبێ هیچ کێشەیەک دەستپێبکات.