هێزی حەشدی شەعبی لە کوڵەجۆ کشایەوە

ئاڤا نیوز

 

ئەو هێزەی حەشدی شەعبی کە چووبووە کوڵەجۆ و دەستی بەسەر کێڵگەیەکی نەوتدا گرت، دوای هەشت کاتژمێر  بەتەواوی کشایەوە.

 

چیرۆکی سەرەکی: بەدیاریکراوی نزیک کاتژمێر 4:00ی بەرەبەیانی ئەمڕۆ یەکشەممە، هێزێکی زۆری حەشدی شەعبی کە لە دیالەوە بە  ئۆتۆمبێل و هەمەری سەربازی هاتبوون، خۆیان گەیاندە ناحیەی کوڵەجۆ، سەرەتا بە هێزی پێشمەرگەیان گوتووە ئەوان بە فەرمانی حکومەتیی عێراق هاتوون، بەڵام هێزێکی پێشمەرگە لە خاڵێکی ئەو ناوچەیە ڕێگرییان لێکردوون، دوای نزیکەی هەشت کاتژمێر هێزەکە بەتەواوی کشاوەتەوە و گەڕاوەتەوە شوێنی پێشووتری.

لەلایەکی دیکەوە: لەبارەی چۆنیەتی ڕووداوەکە، سەرچاوەیەکی ئەمنی بۆ ئاڤا نیوز ڕایگەیاند: چەند ساڵێکە حکومەتی عێراق لەگەڵ هێزی پێشمەرگە سەرقاڵی دروستکردنی لیوای هاوبەشن بۆ ڕووبەڕووبونەوەی تیرۆر تا ناوچەکانی بۆشایی ئەمنی پڕ بکەنەوە، بڕیا بووە لە 1-9 هێزێکی لیوای هاوبەش بچنە ئەو ناوچانە، بەڵام ئەم بەیانییە بەبیانوی پڕکردنەوەی بۆشایی ئەمنی ئەو هێزەی حەشدی شەعبی هاتووەتە ناوچەکە.