ئۆکراینا پلانی سەرکەوتنی وڵاتەکەی پێشکەش بە ئەمریکا دەکات

ئاڤا نیوز

 

سەرۆکی ئۆکراینا باس لەوە دەکات کە بەرەوپێشچوونی وڵاتەکەی بۆ ناوچەی کورسکی ڕووسیا، بەشی بەشی یەکەمی پلانی سەرکەوتنی کیێڤ بووە.

 

وێنە گەورەکە: ئۆکراینا بەرەو پێشچوونە سەربازییەکانی بۆ ناوچەی کورسکی ڕووسیا بە بەشێکی سەرەکی لە پلانی سەرکەوتنەکانی دادەنێت کە بەنیازە لە مانگی نۆ پێشکەش  بە جۆ بایدن سەرۆکی ئەمریکای بکات.

 

لێدوانی فەرمی: ڤلۆدیمێر زێلێنسکی سەرۆکی ئۆکراینا ڕایگەیاند، بەنیازە لە مانگی 9 ی 2024، بەشداری لە کۆبوونەوەی گشتیی نەتەوە یەکگرتووەکان بکات و لەوێ چاوی بە بایدن بکەوێت، لەسەردانەکەی پلانی سەرکەوتنی وڵاتەکەی بەسەر ڕووسیا پێشکەشی سەرۆکی ئەمریکا بکات، چونکە تاڕادەیەک سەرکەوتنی پلانەکەیان پەیوەستە بە ئەمریکاوە.

 

زانیاری بەدەستهاتوو: بڕیارە پلانەکە بخرێتە بەردەم هەردوو بەربژێری پۆستی سەرۆکایەتی ئەمریکا کامالا هاریس و دۆناڵد ترەمپ.

 

ئەمەش بزانە: هەڵبژاردنەکانی سەرۆکایەتی ئەمریکا لە ڕێکەوتی 5-11-2024 بەڕێوەدەچێت.