بەڕێوەبەری فڕۆکەخانەی بەغدا لە بارەی وەستانی گەشتەکان بۆ ئاڤا نیوز قسە دەکات

ئاڤا نیوز

بەڕێوەبەری فڕۆکەخانەی بەغدا دەڵێت ئەمڕۆ بەهۆی کێشەیەکەوە چەند گەشتێکی فڕۆکەخانەی بەغدا وەستان، بەڵام ئێستا ڕەوشەکە ئاسایی بووەتەوە.

لێدوانی فەرمی: حارس عوبەیدی، بەڕێوەبەری فڕۆکەخانەی بەغدا بە ئاڤا نیوزی ڕاگەیاند: ئەمڕۆ بەیانی بەهۆی بوونی ژمارەیەک گەشتی زۆر و نا ئاسایی و هەروەها گەشتی پێچەوانە، بەشێک لە گەشتەکانی فڕۆکەخانەی بەغدا وەستان.

زانیاریی زیاتر: لەبارەی هۆکارێکی دیکەی دواکەوتنی گەشتەکان، بەڕێوەبەری فڕۆکەخانەی بەغدا دەڵێت: یەکێک لە فڕۆکەکانی هێڵی ئاسمانی عێراقی کێشەی هەبوو، بۆیە ئەمەش بەشێک بوو لە گرفتەکە، بەڵام ئێستا دۆخی گەشتەکان ئاسایی بوونەتەوە.

ئەوەی پێویستە بیزانیت: ئەمڕۆ شەممە، لە تۆڕە کۆمەڵایەتییەکان چەند گرتە ڤیدیۆیەک بڵاوکرانەوە، قەرەباڵغیەکی زۆری گەشتیاران دەردەکەوێت و بەشێکیان لەگەڵ پۆلیسی فرۆکەخانە دووچاری ڕووبەڕووبونەوە دەبن.