ئەکتەرانی فیلمی کفن دێنە هەولێر

ئاڤا نیوز

 

بڕیار وایە دەرهێنەر و ئەکتەرانی فیلمی کفن 1ـی ئەیلوول لە هەولێر ئامادەبن بۆ مەڕاسیمی فەرشی سوور. 

 

وێنە گەورەکە: لەدوای ئەوەی یەکەم نمایشی فیلمی کفن لە سلێمانی لە 22ـی ئاب بەڕێوەچوو، بڕیارە 1ـی ئەیلوول دەرهێنەر و ئەکتەرانی فیلمی کفن لە هەولێر لە ئیمپایەر سینەما بەسەر فەرشی سووردا بڕۆن و لەگەڵ میوانانی ئامادەبووی بینەری فیلمەکە بن.

 

ئەوەی پێویستە بیزانیت: فیلمی کفن لە هەفتەی یەکەمی نمایشیدا 25 هەزار بینەری تێپەڕاندووە و پێشبینی دەکرێت ژمارەی  بینەران بگاتە 50 هەزار بینەر. 

 

باکگراوند: فیلمی کفن لە  دەرهێنانی سروشت عەبەڕەشە و باهۆز نەسرەدین پرۆدیوسەری  فیلمەکەیە، هەریەک لە چریکە عەبەڕەش و نزار سەلامی و کارۆ سەوز ئەکتەری سەرەکی فیلمەکەن، فیلمی کفن لە لایەن ئاڤامیدیا و میترۆنۆم پرۆداکشنەوە بەرهەم هاتووە.