پاسێک لە چین خۆی دەكات بەنێو خەڵكدا و گیانلەدەستدانی لێدەكەوێتەوە

ئاڤا نیوز

پاسێکی قوتابخانە لە چین، خۆی دەكات بەنێو خەڵكدا و بەهۆیەوە 11 كەس گیانیان لەدەستدا كە پێنجیان قوتابین.

وێنە گەورەكە: لە چین ساڵی نوێی خوێندن دەستیپێكردووە و بەهۆیەوە قەرەباڵغی لەسەر شەقامەكان دروست بووە، لە پارێزگای شاندۆنگ پاسێكی قوتابخانە خۆی كردووە بەنێو خەڵكدا.

بڵاوکراوەی فەرمی: میدیاکانی چین بڵاویانکردەوە: شۆفێرەکە "کۆنترۆڵی ئۆتۆمبێلەکەی لەدەستداوە" و پۆلیس لێكۆڵینەوەی دەستپێكردووە و شۆفێرەكەش دەستگیركراوە.

زانیاریی بەدەستهاتوو: وێنە و ڤیدیۆی ڕووداوەکە لە سۆشیال میدیا بڵاوبووەتەوە و وا دەرکەوتووە کە خەڵک لە ژێر ئۆتۆمبێلەکەدا گیریان خواردووە بە پێی بڵاوکراوەکان تا ئێستا 11 کەس گیانی لەدەستداوە كە پێنجیان خوێندكارن.