دوای 11 ساڵ پرۆژەی جووتسایدکردنی ڕێگەی شاکەل جێبەجێ دەکرێت

ئاڤا نیوز

 

پرۆژەی جوتسایدکردنی گەڕەکی شاکەل لە هەفتەی داهاتووەوە دەچێتە بواری جێبەجێکردنەوە.

 

وێنە گەورەکە: کابینەی نۆیەمی حکومەتی هەرێمی کوردستان سەرەڕای قەیرانی دارایی و ئاستەنگییەکان، بە گرنگییەوە کاری لەسەر دەستپێکردنەوەی پرۆژە وەستاوەکان لە ناوچە جیاجیاکان کردووە و بەردەوام بووە لە گەیاندنی خزمەتگوزاری بە ناوچەکانی هەرێمی کوردستان.

 

لێدوانی فەرمی: جەمال ساڵح، بەڕێوەبەری ناحییەی ڕزگای بە ئاڤا نیوزی ڕاگەیاند: لە هەفتەی داهاتوودا دەست بە جێبەجێکردنی کۆنکرێت و قیرتاوکردنی جوتسایدی گەڕەکی شاکەل لە ناحییەی رزگاری دەکرێت.

 

 پرۆژەکە لەسەر بودجەی وەزارەتی شارەوانیە و زیاتر لە پێنج ملیار دیناری بۆ تەرخان کراوە.

 

ئەمەش بزانە: ڕۆژی 20-10-2013، دەبوایە پرۆژەکە بچێتە بواری جێبەجێکردنەوە و لە ماوەی 365 ڕۆژدا تەواو بکرێت، بەڵام لەو کاتەوە ڕاگیراوە، دوای 11 ساڵ و لە کابینەی نۆیەمی حکومەتی هەرێمی کوردستان دەست بەجێبەجێکردنی دەکرێتەوە.