بارگاویکردنەوەی مۆبایل لە شەواندا تەمەنی پاتری کەمدەکاتەوە

ئاڤا نیوز

 

بارگاویکردنەوەی مۆبایل لەنێو خەڵکدا مشتومڕی زۆری لەسەرە، زۆر کەس پێیان وایە نابێت مۆبایل لە بارگاویکەرەوە لێبکرێتەوە پێش ئەوەی پاترییەکەی 100% بارگاوی ببێتەوە.

 

چیرۆکی سەرکی: ئەنجامی توێژینەوەکانی ئەم دواییە دەریانخستووە پاتریی مۆبایلە زیرەکەکان بەگشتی بەرگەی 850 خولی بارگاویکردنەوە و خاڵیکردنەوەی تەواو دەگرن پێش ئەوەی تواناکەیان بۆ کەمتر لە 80% دابەزێت، واتە دوای 2 بۆ 3 ساڵ تەنها لە 80%ـی توانای سەرەتایی پاترییەکە دەمێنێتەوە.

 

ئەوەی پێویستە بیزانیت: بەو پێیەی توانای پاتری سنووردارە، پێویستە خۆت بەدوور بگرێت لە بارگاویکردنەوەی تەواوەتی خولەکان واتە لە 0% بۆ 100% ئەمەش بۆ ئەوەیە، کە تەمەنی پاتریی مۆبایلەکەت درێژتر بکەیت.

 

زانیاریی زیاتر: پسپۆڕێکی تەکنەلۆژیای زانیاری پێشنیازی ئەوە دەکات، کە پاتری مۆبایلە زیرەکەکان بەڕێژەی 80% بارگاوی بکرێنەوە و ڕێگە نەدرێت ئاستی بارگاوی پاترییەکە بۆ خوار 20% دابەزێت، هاوکات ئامۆژگاری بەکارهێنەران دەکات شەوانە مۆبایل بارگاوی نەکەنەوە، چونکە پیربوونی پاترییەکە خێراتر دەکات.