دیک چەینی: ترەمپ گەورەترین مەترسییە بۆ سەر ئەمریکا

ئاڤا نیوز

 

 جێگری پێشووتری سەرۆکی ئەمریکا، بەتوندی ڕەخنەی لە بەربژێری پارتەکەی  بۆ هەڵبژاردنەکانی داهاتووی سەرۆکایەتی ئەمریکا دەگرێت و دەڵێت، ترەمپ گەورەترین مەترسییە بۆ سەر ئەمریکا. 

لێدوانی فەرمی: دیک چەینی، جێگری سەرۆک پێشووتری ئەمریکا  دەڵێت: لە مێژووی 248 ساڵەی میللەتەکەماندا هیچ تاکێک هێندەی دۆناڵد ترەمپ مەترسیی نەبووە بۆ سەر ئەمریکا و پارتەکەی،  ناتوانرێت جارێکی دیکە متمانەی پێبکرێت.

 

ئەوەش بزانە: دژی بەربژێرکردنی ترەمپ، دیک چەینی پشتگیری خۆی بۆ کامالا هاریس بەربژێری دیموکراتەکان دووپاتکردەوە. 

 

لەلایەکی دیکەوە: دۆناڵد ترەمپ ڕایگەیاند: دیک چەینی و كچەکەی تەنیا بە ناو کۆماریین، هاوکات لیز چەینی، کچە گەورەی دیک چەینی پێشتر ڕایگەیاندبوو، کە دەنگ بە کامالا هاریس دەدات.

 

باکگراوند: دیک چەینی، لە دایکبووی ساڵی 1941، سیاسەتمەدارێکی ئەمریکیە، لە نێوان ساڵانی 2001  بۆ 2009  وەک جێگری سەرۆکی ئەمریکا کاری کردووە، بە بەهیزترین جێگری سەرۆک لە مێژووی ئەمریکا دادەنرێت.