بەڵێنێک لە پەرلەمانی عێراقەوە بۆ هەڵەبجە

 

ئاڤا نیوز 

 

 لەبارەی بەپارێزگاربوونی هەڵەبجە، جێگری سەرۆكی پەرلەمانی عێراق بەڵێنێک بەکەسایەتییەکانی ئەو شارە دەدات.

 

چیرۆكی سەرەكی: ژمارەیەک لە كەسایەتییەكانی شاری هەڵەبجە سەردانی بەغدا دەكەن و لەگەڵ شاخەوان عەبدوڵڵا، جێگری سەرۆكی پەرلەمانی عێراق كۆدەبنەوە و پرسی بەپارێزگابوونی هەڵەبجە تاووتوێ دەكەن.

لێدوانی فەرمی: شاخەوان عەبدوڵڵا، ڕایگەیاند: لە دیدارەكەدا ژمارەیەک پەرلەمانتاری فراكسیۆنە كوردستانییەكان ئامادە بوون بەڵێنماندا پرۆسەی بەپارێزگابوونی هەڵەبجە بەكۆتابهێنین.

 

زانیاریی زیاتر: جێگری سەرۆكی پەرلەمانی عێراق جەختی كردەوە ئێستا پرۆسەی بەپارێزگابوونی هەڵەبجە لە قۆناغی كۆتاییدایە و تەنیا دەنگدانی ماوە.

 

وێنە گەورەکە: زیاتر لە 10 ساڵە حکومەتی هەرێم بە فەرمی هەڵەبجەی وەک چوارەم پارێزگای هەرێمی کوردستان ناساندووە، لەئاستی عێراقیش تائێستا دەنگدانی کۆتایی لەسەر یاسای بەپارێزگابوونی هەڵەبجە لە پەرلەمان نەکراوە، بۆیەش حکومەتی فیدڕاڵ وەک 19هەمین پارێزگای وڵاتەکەیی مامەڵەی لەگەڵدا ناکات.