کونسوڵی گشتیی ئێران لە هەولێر: پەیوەندییەکی زۆر باشمان لەگەڵ هەرێمی کوردستان هەیە

ئاڤا نیوز

 

 

سەرۆککۆماری ئێران سەردانی عێراقی کرد و دوای  ئەنجامدانی ژمارەیەک دیدار و کۆبوونەوە لەگەڵ بەرپرسانی حکومەت لە بەغدا، بڕیارە ڕۆژی پێنجشەممە سەردانی هەرێمی کوردستان بکات.

 

چیرۆکی سەرەکی: دوای ئەوەی مەسعود پزیشکیان، سەرۆککۆماری ئێران بە سەردانێکی فەرمی گەیشتە عێراق، ناوبراو لەگەڵ بەرپرسانی ئەو وڵاتە کۆبوویەوە و ژمارەیەک یاداشت و ڕێکەوتنیان واژۆکرد. بڕیارە ڕۆژی پێنجشەممە سەردانی هەرێمی کوردستان بکات و لەگەڵ سەرۆک بارزانی و سەرۆکی هەرێمی کوردستان و سەرۆکوەزیران بارزانی کۆ دەببێتەوە.

 

لێدوانی فەرمی: نەسڕوڵڵا ڕەشنوودی، کونسوڵی گشتیی ئێران لە هەولێر، تایبەت بە ئاڤا نیوز ڕایگەیاند: پەیوەندییەکی زۆر باشمان لەگەڵ عێراق و هەرێمی کوردستان لە ڕووی سیاسی، ئابووری، بازرگانی، گەشتیاری و کولتووری هەیە.

 

زانیاریی زیاتر: کونسوڵی گشتیی ئێران لە هەولێر گوتیشی: کۆماری ئیسلامی ئێران هەمیشە بە ئاڕاستەی بەهێزکردنی پەیوەندییەکانی نێوان هەولێر و بەغدا هەنگاو دەنێت و بە ئاڕاستەی سەقامگیریی عێراق کار دەکات.

 

ئەمەش بزانە: لەبارەی ڕژێمی لەنێوچووی بەعسەوە ڕەشنوودی گوتی: ڕژێمەکە زیانی بە هەموو پێکهاتەکانی عێراق گەیاندووە، جیاوازی نەکردووە لە نێوان هیچ نەتەوە و ئایین و مەزهەبێک.