ڕێنمایی نوێ بۆ بەڕێوەبردنی پرسە بڵاوكرایەوە

ئاڤا نیوز 

 

لیژنەی دانانی ڕێنمایی بۆ بەڕێوەبردنی پرسە لە بەڕێوەبەرایەتیی ئەوقافی هەولێر ژمارەیەک ڕێنمایی سەبارەت بە بەڕێوەچوونی پرسە دەركرد.

ڕاگەیێنراوی فەرمی: لە ڕاگەیێنراوێكی بەڕێوەبەرایەتیی ئەوقافدا ئاماژە بە خاڵەكان دراوە، پرسە لە ناو و دەرەوەی شار وەک پێشوو هەر یەک ڕۆژ دەبێت، بۆ هەر قورئانخوێنێک 75 هەزار دینار دیاریكراوە و دەبێت قورئانخوێن باجی ئەوقاف و كاروباری ئایینیشی هەبێت.

 

زانیاریی زیاتر: بەپێی ڕێنماییەكان پرسە كاتژمێرێک پاش بانگی نیوەڕۆ دەستپێدەكات و كاتژمێرێكیش پێش بانگی ئێوارە كۆتایی دێت، هاوكات دەبێت قورئانخوێندن بە دەنگێكی ئارام لەسەرخۆ بێت، هەروەها جگە لە قورئانخوێندن گوتار ڕێگەپێدراو نییە.

 

ئەوەش بزانە: نابێت دەنگی بڵندگۆكان هێندە بەرز بن ببنە هۆی بێزاریی و هەراسانبوونی میوان و ئامادەبووانی پرسە، دەبێت جلوبەرگی قورئانخوێن شایستە و شیاو بێت.