حیزبوڵڵا 55 مووشەک ئاڕاستەی ئیسرائیل دەکات

ئاڤا نیوز

 

حیزبوڵڵای لوبنان هێرشی مووشەکی دەکاتە سەر باکووری ئیسرائیل و بە هۆیەوە ئاگر لە چەند ناوچەیەک ئەو وڵاتە دەکەوێتەوە.

 

وێنە گەورەکە: حیزبوڵڵا ناوچەی جەلیلی سەرووی لە باکووری ئیسرائیل بۆردومان کردووە و هەواڵی داوە بارەگای فەرماندەیی سوپای ئیسرائیل لە سەفەد بکاتە ئامانج. 

 

زانیاریی زیاتر: نزیکەی 20 مووشەک لە ناوچەی سەفەد و هەروەها لە باشووری دەریاچەی تەبەریە کەوتوونەتە خوارەوە و بە هۆیانەوە ئاگر لە ناوچەکە کەوتووەتەوە. ژمارەیەکی دیکەش لە مووشەکەکان لەلایەن سیستەمی بەرگریی ئیسرائیلەوە خراونەتە خوارەوە.

 

ئەوەی پێویستە بیزانیت: لە مانگی ئۆکتۆبەری ڕابردووەوە کە ئیسرائیل هێرشی کردە سەر کەرتی غەززە، حیزبوڵڵای لوبنان دەستیکردووە بە هێرش بۆ سەر ئیسرائیل، بەو هۆیەشەوە چەندین کەس لە هەردوولا کوژراون.