ڕێپێدانی دروستكردنی خانوو بە خاوەنی دەیان زەویی دیكەی سندووقی دەدرێت

ئاڤا نیوز

 

لەڕێوڕەسمێكدا لە شاری هەولێر، ڕێپێدانی دروستكردنی خانوو بە خاوەنی 100 زەویی سندووقیی دیكە درا.

 

وێنە گەورەكە: زەویی سندووقی ئەو زەویانەن كە لای ڕاست و چەپیان بە زێدەڕۆیی كراوە بە خانوو، بەبڕیاری سەرۆكوەزیران مەسرور بارزانی، بە چەند قۆناغێك ڕێپێدانی دروستكردنی خانوو بە خاوەنی ئەو زەویانەش دەدرێت.

 

ڕاگەیێنراوی فەرمی: پارێزگای هەولێر ڕایگەیاند: ئەمڕۆ چوارشەممە 18-9-2024 لە ڕێورەسمێکدا (100) ڕێگەپێدانى دیکەى دروستکردنى خانوو لە سەر زەویی سندووقی وەک قۆناغى سێیەم ڕادەستى خاوەنەکانیان کرا.

 

زانیاریی زیاتر: تاوەكو ئێستا نزیكەی سێ هەزار خاوەنی زەویی سندووقی لە سنووری هەولێر ڕێپێدانی فەرمیی دروستكردنی خانوویان پێ دراوە كە بەشێكیان دەستیان بە دروستكردن كردووە و بەشەكەی دیكەشیان خانووەكانیان تەواو كردووە.