تاڵیبان بۆ کۆبوونەوەی دەوحە مەرجی هەیە

ئاڤا نیوز

 

بڕیارە سبەی چەند لایەنێک لە قەتەڕ بە ئامادەکاریی نەتەوە یەکگرتووەکان لەگەڵ دەسەڵاتدارانی تاڵیباندا کۆ ببنەوە، بەڵام ئەمڕۆ تاڵیبان ڕایگەیاند بۆ ئامادەبوونیان لە گفتوگۆکاندا مەرجیان هەیە.

چیرۆکی سەرەکیی: بڕیار بوو سبەی شاندێکی تایبەتی ئەفغانستان سەردانی قەتەڕ بکەن بۆ گفتوگۆ لە بارەی هەماهەنگیی زیاتری نێودەوڵەتی لەگەڵ ئەفغانستاندا، بەڵام ئەمڕۆ تاڵیبان ڕایگەیاند ئەگەر هەندێک مەرجیان جێبەجێ نەکرێن، ئەوا لەوە ناچێت ئامادەی کۆبوونەوەکان ببن.

لێدوانی فەرمیی: وەزارەتی دەرەوەی ئەفغانستان مەرجەکانی لە بەیاننامەیەکدا بۆ نەتەوەیەگرتووەکان دووپات کردووەتەوە، دەڵێت " ئەمارەتی ئیسلامی تاکە نوێنەری ڕەسمیی ئەفغانستان بێت؛ هەروەها لەسەر ئاستی زۆر باڵا هەلی گفتوگۆی ڕاشکاوانەی شاندی ئەفغانستان و نەتەوە یەکگرتووەکان سەبارەت بە هەموو کێشەکان هەبێت، ئەوا بەشداریمان بەسوود دەبێت. دەنا ئەگەر وا نەبێت، بەشداریی بێسوود دەبێت".

زانیاریی زیاتر: لە ئایاری 2023دا هەندێک کۆبوونەوە ئەنجام دران، بەڵام ئەفغانستان بانگهێشت نەکرابوو.

 

ئەم جارە ئەندامانی کۆمەڵگەی شارستانیی ئەفغانيی و دەسەڵاتدارانی تاڵیبانیش بانگهێشت کراون.

باكگراوند: لە ساڵی 2021ەوە تاڵیبان دەسەڵاتی ئەفغانستانی گرتووەتەوە دەست.