قوباد تاڵەبانی بۆ ئاڤا: چین و هەرێمی کوردستان پەیوەندییەکی باشیان هەیە

ئاڤا نیوز

 

قوباد تاڵەبانی لەمیانی بەشدایکردن لە ڕۆژی نیشتمانیی چین بە ئاڤا نیوزی ڕاگەیاند، چین و هەرێمی کوردستان پەیوەندییەکی باش لەنێوانیاندا هەیە.

 

وێنە گەورەکە: ڕۆژی پێنجشەممە 19-9-2024، بە ئامادەبوونی سەرۆکوەزیران مەسرور بارزانی و قوباد تاڵەبانی، جێگری سەرۆکوەزیران و چەندین وەزیر و بەرپرسی دیکەی حیزبی و حکومی، لە هەولێر یادی ڕۆژی نیشتیمانی چین کرایەوە.

 

لێدوانی فەرمی: قوباد تاڵەبانی، جێگری سەرۆکوەزیرانی هەرێمی کوردستان لە وەڵامی پرسیارێکی کوردستان حەسەن، پەیامنێری دیپلۆماسی ئاڤا سەبارەت بە پەیوەندییەکانی نێوان هەرێمی کوردستان و وڵاتی چین ڕایگەیاند: ئەو دیمەنانەی لە پشتمەوە دەیبینن، نیشانەی ئەوەیە چین و هەرێمی کوردستان پەیوەندییەکی باش لە نێوانیاندا هەیە.

 

جێگری سەرۆکوەزیران ئاماژەی بەوەشدا، پەیوەندییەکانی چین و هەرێمی کوردستان لەڕووی سیاسییەوە پەیوەندییەکی باشن، هیواشی خواست لەڕووی بازرگانی و ئابوورییشەوە باشتربن.

 

باکگراوند: بەهۆی ئەو پێگە دیپلۆماسی و سیاسییەی هەرێمی کوردستان لە ناوچەکەدا هەیەتی، نزیکەی 40 وڵات لە هەرێمی کوردستان کونسوڵخانە و نوێنەرایەتییان هەیە، ئەمەش بووەتە هۆی ئەوەی پەیوەندیی نێوان هەرێمی کوردستان و وڵاتان لە ئاستێکی باڵادا بێت.