هەڵوێستی نوێی گۆڕان لەبارەی هەڵبژاردن؛ بەشداریی دەکەین

ئاڤا نیوز

 

بزووتنەوەی گۆڕان بەشداریی هەڵبژاردنی پەرلەمانی کوردستان دەکات، بەڵام دانانی 'دانا ئەحمەد مەجید'، نیگەرانی زۆری لەنێو بزووتنەوەکە دروست کردووە و پێیانوایە بڕیارەکە لە دەرەوەی پەیڕەوی ناوخۆی بزووتنەوەکە دراوە.

 

لێدوانی فەرمی: لە وەڵامی ئەو پرسیارەی ئایا گۆڕان بەشداریی هەڵبژاردن دەکات؟ سەرچاوەیەکی باڵای نێو بزووتنەوە بە ئاڤا نیوزی ڕاگەیاند: بەڵێ، بەشداری لە هەڵبژاردنی پەرلەمانی کوردستان دەکەین، ئامادەکاریمان کردووە و دەست بە بانگەشەش دەکەین، کاتێک وادەکە دیاری کرا".

 

لەلایەکی دیکەوە: بڕیارەکەی عومەری سەید عەلی بۆ دانانی 'دانا ئەحمەد مەجید' وەک ڕێکخەری گشتیی بزووتنەوەکە، نیگەرانی بەشێکی زۆر لە باژێڕوانەکانی لێکەوتووەتەوە، کۆبوونەوەی تایبەت بەم پرسەیان کردووە و دەڵێن 'دەبێت بەگوێرەی پەیڕەو ڕێکخەر دابنرێت، نەک بە بڕیارێکی مەرکەزی'.

 

زانیاریی تایبەت: بەگوێرەی بڕیارەکەی کۆمیسیۆن، دانا ئەحمەد مەجید ئێستا دەتوانێت دەستەڵاتەکانی ڕێکخەری گشتی پەیڕەو بکات.

 

باکگراوند: ڕۆژی 18ی ئەم مانگە ئاڤا نیوز وەک یەكەم میدیای كوردی  بڵاوی كردەوە کە بەبێ هەڵبژاردن، بە نووسراوێکی عومەری سەید عەلی، دانا ئەحمەد مەجید کراوەتە ڕێکخەری گشتیی بزووتنەوەی گۆڕان، ڕۆژێک دواتر کۆمیسیۆنی باڵای سەربەخۆی هەڵبژاردنی عێراق گۆڕانکارییەکەی پەسەند کرد.