ئه‌نتۆنی‌ بلینكن داوای هەناردەکردنەوەی نەوتی هەرێمی کوردستان دەکات

ئاڤا نیوز

 

وەزیری دەرەوەی ئەمریکا لە کۆبوونەوەی لەگەڵ سەرۆکوەزیرانی عێراق جەختی لە هەناردەرکردنەوەی نەوتی هەرێمی کوردستان کردەوە لە ڕێگەی بەندەری جەیهانی تورکیا کە ماوەی ساڵ و نیوێکە ڕاگیراوە.

 

وێنە گەورەکە:  ڕۆژی شەممە 21ی ئەیلوولی 2024، محەممەد شیاع سوودانی بە یاوەری شاندێک گەیشتە نیۆیۆرک و ئەمڕۆ دووشەممە لەگەڵ وەزیری دەرەوەی ئەمریکا کۆبووەوە و تاوتوێی کۆمەڵێک پرسیان کرد.

 

ڕاگەیێنراوی فەرمی: ماسیۆ میله‌ر، گوتەبێژی وەزارەتی دەرەوەی ئەمریکا ڕایگەیاند: بلینکن لە کۆبوونەوەکەدا جه‌ختی‌ له‌ گرنگی‌ كردنه‌وه‌ی‌ بۆڕی‌ نه‌وتی‌ عێراق بۆ توركیا كرده‌وه‌، به‌ئامانجی‌ هاندانی به‌رده‌وامی وه‌به‌رهێنانی ده‌ره‌كی له‌ ئابووری عێراقدا.

 

لە لایەکی دیکەوە: نووسینگەی سەرۆکوەزیرانی عێراق ڕایگەیاند: سوودانی و بلینکن باسیان لە کەرتی هاوبەشی وزە کردەوە و تاوتوێی دۆسیەی هێزەکانی هاوپەیمانیی نێودەوڵەتی لە عێراق و گفتوگۆکانی کشانەوەی هاوپەیمانان و گواستنەوەی پەیوەندییەکان کرد بۆ ئاستی دوو قۆڵی لەگەڵ وڵاتانی ئەندام لە هاوپەیمانیی نێودەوڵەتی.