نێچیرڤان بارزانی سەردانی سلێمانی دەکات

ئاڤا نیوز

 

نێچیرڤان بارزانی، سەرۆكی هەرێمی كوردستان سەردانی شاری سلێمانی دەكات.

وێنە گەورەكە: چەند ڕۆژێكە نێچیرڤان بارزانی، سەرۆكی هەرێمی كوردستان دەستی بە سەردانیكردنی شار و شارۆچكەكانی هەرێمی كوردستان كردووە و لەڕۆژانی ڕابردوو سەردانی دهۆك و زاخۆ و سۆرانی كرد و لەگەڵ بەرپرسانی كارگێڕیی ئەم دەڤەرانە كۆبووەوە، هاوكات سەردانی پارێزگای هەولێریشی كرد و لەگەڵ پارێزگار و بەرپرسانی كارگێڕیی پارێزگای هەولێر كۆبووەوە.

 

زانیاریی بەدەستهاتوو: وابڕیارە ئەمڕۆ سێشەممە 24-9-2024، نێچیرڤان بارزانی سەردانی شاری سلێمانی بكات و  لەگەڵ پارێزگار و بەرپرسانی كارگێڕیی پارێزگاكە كۆببێتەوە.

 

لەلایەكی دیكەوە: هەر لەمیانەی سەردانەكەیدا بۆ سلێمانی، نێچیرڤان بارزانی، وەك جێگری سەرۆكی پارتی دیموكراتی كوردستان لەگەڵ مەكتەبی ڕێكخستنەكانی سلێمانی، هەڵەبجە، ڕاپەرین و کەرکووک - گەرمیان کۆدەبێتەوە.

ئەوەش بزانە: لە سەرجەم كۆبوونەوەكانی چەند ڕۆژی ڕابردووی لەگەڵ بەرپرسانی كارگێڕیی پارێزگا و ئیدارە سەربەخۆكان، سەرۆكی هەرێمی كوردستان جەختی له‌ گرنگيى هه‌ڵبژاردن و كاركردن بۆ سه‌رخستنى كردووەتەوە، هاوكات داواشی كردووە كە هەموو لایەك كار بكەن بۆ ئەوەی بانگه‌شه‌يه‌كى شارستانى و ئارام به‌ڕێوه‌ ببرێت.