یاریگەی فرانسۆ هەریری نۆژەن دەکرێتەوە

ئاڤا نیوز

 

لە ساڵڕۆژی شەهیدکردنی فرانسۆ هەریری، ئومێد خۆشناو لەگەڵ ئەندامانی دەستەی کارگێڕیی یانەی هەولێر، سەردانی یاریگەکەی کرد و بڕیاری گۆڕینی چیمەنەکەی دا. 

 

وێنە گەورەکە: هاندەرانی یانەی هەولێر لەپاڵ باشترکردنی ئەنجامی یانەکە و هێنانی یاریزانی پیشەگەر، داوا دەکەن یاریگەی یانەکە نۆژەنبکرێتەوە. لە چەند ڕژی ڕابردوو بەهۆی بارانی بەخوڕەوە چیمەنی یاریگەکە تێکچووە و بەمەش یارییەکان دواخران.

 

لێدوانی فەرمی: ئومێد خۆشناو، پارێزگاری هەولێر لە ساڵڕۆژی شەهیدکردنی فرانسۆ هەریری ڕایگەیاند: "وەک وەڵامدانەوەیەک بۆ هاندەران، وەرزشدۆستان و ڕێزگرتن لەو کەسەی جێپەنجەیان لە هەموو بوارەکان دیارە بەتایبەت بواری وەرزشی، بڕیاردرا لەمڕۆوە دەست بە نۆژەنکردنەوەی یاریگاکە و گۆڕینی چیمەنەکەی بکرێت".

 

زانیاریی زیاتر: یاریگای فرانسۆ ھەریری، یاریگایەکی نێودەوڵەتییە 40 ھەزار ھاندەر دەگرێت؛ لە ساڵی 1956 دروستکراوە.