خامنەیی بۆ شوێنێکی پارێزراو دەگوازرێتەوە

ئاڤا نیوز

 

دوای ئەوەی سوپای ئیسرائیل بە فەرمی هەواڵی کوژرانی حەسەن نەسڕوڵڵا، ئەمینداری گشتیی حیزبوڵڵای لوبنانی بڵاو کردەوە، عەلی خامنەیی، ڕێبەری باڵای ئێران، بۆ شوێنێکی پارێزراو دەگوازرێتەوە.

 

وێنە گەورەکە: شەڕ و پێکدادانەکانی نێوان ئیسرائیل و حیزبوڵڵا بەردەوامن و تاوەکو دێت مەترسیی زیادبوونی گرژییەکان و فراوانبوونی شەڕەکەش زیاتر دەبێت.

 

زانیاریی زیاتر: بە گوێرەی ڕاپۆرتێکی ئاژانسی ڕۆیتەرز، ئێران لە هەواڵی کوژرانی نەسڕوڵڵا نیگەرانە و ترسی ئەوەشی هەیە خامنەییش بکرێتە ئامانج بۆیە بۆ شوێنێکی پارێزراو گوێزراوەتەوە.

 

ئەوەی پێویستە بیزانیت: ڕۆژی 27-7-2024 ئیسماعیل هەنییە لە تاران کوژرا، ئێران ئیسرائیلی بە ئەنجامدانی هێرشەکە تۆمەتبار کرد. ڕۆژی 28-9-2024 ئیسرائیل کوشتنی نەسروڵڵای ڕاگەیاند و حیزبوڵڵاش هەواڵەکەی پشتڕاست کردەوە.