پێشەوا هەورامانی: لە کابینەی دەیەم سزای توندی ئەوانە دەدرێت کە فرۆشیاری ماددەی هۆشبەرن

ئاڤا نیوز 

 

گوتەبێژی حکومەتی هەرێمی کوردستان بۆ ئاڤا نیوز ئاشکرای دەکات، یەکێک لە خاڵەکانی کارنامەی کابینەی دەیەم پەیوەندی هەیە بە سزادانی ئەوانەی فرۆشیاری ماددەی هۆشبەرن.

 

وێنە گەورەکە: بڵاوکردنەوەی یەکێک لە خاڵەکانی کارنامەی کابینەی دەیەم لەکاتێکدایە، هێشتا زیاتر لە 20 ڕۆژی ماوە بۆ هەڵبژاردنی خولی شەشەمی پەرلەمانی کوردستان.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان بە ئاڤا نیوزی ڕاگەیاند، یەکێک لە خاڵەکانی کابینەی دەیەم کە مەسرور بارزانی سەرۆکایەتی دەکات ئەوەیە، سزای تووند و قورستر بۆ ئەوانەی فرۆشیاری ماددەی هۆشبەرن دەردەکرێت.

ئەوەی پێویستە بیزانیت: پێشەوا هەورامانی  دەڵێت: ئەوانەشی بەکارهێنەری ماددەی هۆشبەرن، شوێنی باش و ئارامی دوور لەشارییان بۆ دروست دەکرێت، چونکە ئەوان قوربانین و دەبێت پزیشکی دەروونی ڕۆژانە چارەسەریان بکات، تاوەکو بەوجۆرە چاکبن و کەڵکی ناو کۆمەڵگەیان هەبێت.