مەسرور بارزانی: ئەوانەی داوای ڕووخان دەکەن بە دەنگ شاربەدەریان دەکەین

ئاڤا نیوز

 

مەسرور بارزانی، جێگری سەرۆكی پارتی دیموكراتی كوردستان لە كەرنەڤاڵی بانگەشەی لیستی 190حیزبەکەی لە سۆران گوتارێکی پێشکەش کرد.

 

لێدوانی فەرمی: مەسرور بارزانی، جێگری سەرۆکی پارتی لەمیانی بەشداریکردنی لە کەرنەڤاڵی لیستی 190ی حیزبەکەی لە شاری سۆران، لەنیو ئاپۆرای هەزاران کەس پەیامێکی تووندی ئاراستەی ئەو لایەنانە کرد کە دروشمی تێکدان و ڕووخاندنیان هەڵگرتووە و گوتی: "پەیامم بۆیان ئەوەیە خۆیان چاک بکەن، ئەگەرنا با بارکەن و بڕۆن، ئەگەر ناڕۆن و دەمێننەوە، بە دەنگی خەڵک شاربەدەریان دەکەین

 

لەلایەكی دیكەوە: جێگری سەرۆکی  پارتی گوتیشی: "ئەوان یەك درووشمیان پێ نییە كە باسی ژیان و باشتركردنی دۆخ و گوزەرانی خەڵك بكات، هیچ بەڵێنێكیان پێ نییە كە بتوانن داهاتووتان باشتر بێت، درووشمەكانیان بۆ نائومێدكردنی خەڵكی كوردستانە و دێن بە ئێمە دەڵێن كۆتایی پێ دەهێنین و دەیڕوخێنین، چۆن لە ڕابردوودا نەیانتوانی، ئێستاش ناتوانن بمانوەستێنن و بمانڕووخێنن و تێكی بدەن، ناتوانن بە ئامانجە چەپەڵەكانی خۆیان بگەن".

 

ئەوەش بزانە: مەسرور بارزانی ئاماژەی بەوەشدا: ئەگەر ئەوان شانازی بەوەدەکەن کە هێزی بیانییان لەپشتە، ئێمەش پشتمان بە خودا و خەڵكی كوردستان قایمە.

 

گۆشەیەكی دیكە:  "ئەوان لە دروشمەكانیان دیارە كە نرخیان چەندە، ناتوانن خزمەتی خەڵك بكەن و هەوڵی تێكدان دەدەن، 20ی ئۆكتۆبەر بڕیاری خۆتان بدەن كە پارتی چۆن یەكەم بووە هەر بە یەكەمیش دەمێنێتەوە". جێگری سەرۆکی پارتی وای گوت.