هێمن هەورامی: دەبێت دەنگی هاووڵاتییان بە دەست هەژمار بکرێتەوە

ئاڤا نیوز 

 

لەگەڵ نزیکبوونەوە لە بەڕێوەچوونی پڕۆسەی هەڵبژاردن لە هەرێمی کوردستان، ئەندامێکی مەکتەبی سیاسیی پارتی دیموکراتی کوردستان، جەخت لە هەژمارکردنەوەی دەنگەکان دەکات لە ڕێگەی دەستییەوە.

 

وێنە گەورەکە: بڕیارە ئەم مانگە دەنگدان بۆ هەڵبژاردنی پەرلەمانی کوردستان بەڕێوەبچێت، د. هێمن هەورامی داوایەک لە لایەنەکان دەکات بۆ ڕاگرتنی پلانی تەزویرکاری یەکێتی.

 

لێدوانی فەرمی: د.هێمن هەورامی، ئەندامی مەکتەبی سیاسیی پارتی لە میانەی گەشتی هەواڵەکانی کاتژمێر حەوتی ئاڤا نیوز ڕایگەیاند: زانیاریی وردمان لەسەر ساختەکاریی یەکێتی هەبووە و دەزانین کە لە هەڵبژاردنی ئەنجوومەنی پارێزگاکان دا، دەنگەکانی یەکێتی لە کەرکووک سەد لە سەد زیاد کرا بوون، لەم هەڵبژاردنەش 30 کورسی بۆ دانرا بوو.

 

زانیاریی زیاتر: هێمن هەورامی لەبارەی ئەنجامەکانی هەڵبژاردن گوتی: "دەبێ تەواوی دەنگی هاووڵاتییان لە هەڵبژاردندا بەدەست هەژمار بکرێنەوە بە ئامادەبوونی نوێنەری تەواوی لایەنە سیاسییەکان، داواش لە لایەنەکان دەکەین لەگەڵ پارتی ڕێگریی لە ساختەکارییەکانی یەکێتی بکەن". 

 

ئەمەش بزانە: ئەندامەکەی مەکتەبی سیاسیی پارتی ئاماژە بەوەش دەکات، لە عێراق و دەرەوەی وڵاتەکەش چەند لایەنێک پشتگیریی یەکێتی دەکەن بۆ ئەوەی بتوانێت دەنگی هاووڵاتییان تەزویر بکات، هاوکات ئەنجامەکانی هەڵبژاردنیش بگۆڕێت.