ئاراستەی هاتووچۆی شەقامێکی هەولێر دەگۆڕ درێت

ئاڤا نیوز

 

بۆ چارەسەرەکردنی قەرەباڵخی ڕێگای شاوەیس-پیرمام، بەڕێوەبەرایەتیی هاتووچۆی هەولێر داواکارییەک بۆ دروستکردنی پردی سوڕانەوە ئاراستەی پارێزگای هەولێر دەکات، وتەبێژی هاتووچۆیش هەولێر گوتی،"وەک چارەسەری سەرەتایی ئۆتۆمبێلەکانی کۆمەڵگەی شاوەیس بۆ شەقامی 150 دەنێرین".

 

وێنە گەورەکە: ڕێگای شاوەیس-پیرمام کە بە هامڵتۆن ناسراوە، ڕێگایەکی ستراتیژییە و زۆرترین هاتووچۆی لەسەرە، لەگەڵ دەستپکی دەوامی قوتابخانەکان لۆدی زیاتری بۆ دروست کراوە، ئەمەش بووتە هۆی زیادبوونی گلەی هاووڵاتییان.

 

لێدوانی فەرمی: عەقید هێمن ئەمین، وتەبێژی بەڕێوەبەرایەتی هاتووچۆی هەولێر، بە ئاڤا نیوزی گوت: "بۆ چارەسەر و نەهێشتنی قەرەباڵخی و لۆدی سەر شەقامەکە، پێشنیازی دروستکردنی بەرزەپردی سوڕانەوە و دیزاینەکەی بۆ پارێزگای هەولێر بەرزکراوەتەوە و بڕیاریشی بۆ دراوە، بەڵام نازانین کەی جێبەجێ دەکرێت".

 

لالەیەکی دیکەوە: مەسعود کاڕەش، جێگری پارێزگاری هەولێر، بە ئاڤا نیوزی گوت: لەگەڵ ئەنجوومەنی وەزیران خەریکی پێداچوونەوە و تەواوکردنی دیزاینی بەرزە پردەکەین.

 

زانیاریی زیاتر: هاتووچۆی هەولێر وەک هانگاوی سەرەتایی بۆ کەمکردنەوەی قەرەباڵخی و لۆدی سوڕانەوە لە شەقامەکە، ئۆتۆمبێلەکانی کۆمەڵگەی شاوەیس بۆ شەقامی 150 مەتری ئاڕاستە دەکرێن.