ڕووماڵی ئاڤا بۆ کەرنەڤاڵی پارتی لە دهۆک زیاتر لە دوو ملیۆن بینەری هەبووە

ئاڤا نیوز

 

ڕووماڵی ئاڤا میدیا بۆ کەرنەڤاڵە گەورەکەی پارتی لە دهۆک تەنیا لە فەیسبووک بە کەمتر لە 24 کاتژمێر زیاتر لە دوو ملیۆن بینەری هەبووە.

 

چیرۆکی سەرەکی: دوێنێ شەممە بە ئامادەبوونی نێچیرڤان بارزانی و مەسرور بارزانی، جێگرانی سەرۆکی پارتی کە یەکەمجار بوو لە بانگەشە پێکەوە دەربکەون،  سێیەمین کەرنەڤاڵی جەماوەری بۆ سەرخستنی لیستی 190ی پارتی لە یاریگای دهۆک ڕێکخرا و دەیان هەزار کەس بەشدار بوون.

 

ئەوەی پێویستە بیزانیت: لە نیوەڕۆوە ئاڤا میدیا دەستی بە ڕووماڵی کەرنەڤاڵەکە کرد و تەنها لایڤی فەیسبووکی ڕووماڵەکە لە پەیجی ئاڤا میدیا لە فەیسبووک بە کەمتر لە 24 کاتژمێر زیاتر لە دوو ملیۆن و 200 هەزار بینەر، 31 هەزار لایک  و زیاتر لە 15 هەزار کۆمێنتی بۆ هاتووە.

 

ئەمەش بزانە: لە هەرێمی کوردستان ژمارەی بەکارهێنەرانی ئینتەرنێت نزیکەی چوار ملیۆنە، بەمپێیە لە هەر دوو کەسێک، کەسێک بینەری ڕووماڵی ئاڤا بووە، ئەمە لەکاتێکدایە هێشتا مانگێک بەسەر تەمەنی پەخشی نوێی ئاڤا میدیا تێنەپەڕیوە.