لاهوور شێخ جەنگی بارەگا و شوێنی مانەوەی لە هەولێر دیاری دەکات

ئاڤا نیوز

لە چوارچێوەی ئامادەکارییەکان بۆ بەشداریکردن لە هەڵبژاردنی پەرلەمانی کوردستان، لاهوور شێخ جەنگی بۆ شوێنی مانەوەی خۆی و بارەگای حیزبەکەی، خانوویەکی گەورە لە ڕێگای هەولێر - کەرکووک دەکڕێت.

چیرۆکی سەرەکی: دوای دوو ساڵ و نیو دوورکەوتنەوەی لە یەکێتیی نیشتیمانیی کوردستان، ماوەیەک پێش ئیستا لاهوور شێخ جەنگی لۆگۆ و ئاڵای یەكێتی لە نووسینگەكەی لابرد و بەیەکجاری دەستبەرداری بوو، مۆڵەتی دامەزراندنی بەرەیەکی سیاسیشی لە  حکومەتی هەرێمی کوردستان وەرگرتووە.

زانیاری تایبەت: باره‌گا و ماڵه‌كه‌ى لاهوور شێخ جه‌نگى دەکەوێتە نێوان هه‌ولێر - قوشته‌په‌ و ڕووبه‌رەکەى 5 دۆنم زەوییە.

شەوکەت قادر، پەیامنێری ئاڤا میدیا لە هەولێر کە سەردانی گەڕەکەکەی کردووە، باسی لەوە کرد لاهوور شێخ جه‌نگى بەنیازە بارەگایەكی گەورە بۆ حیزبەكەی لە هەولێر بكاتەوە، بەمەبەستی سه‌رپه‌رشتیکردنی بازنه‌کانى هه‌ڵبژاردن لە هه‌ولێر و دهۆك، هەر کاتێکیش سەردانی هەولێر بکات لەو خانووە دەمێنێتەوە.

باکگراوند:  سەرەتای ئەم هەفتەیە لاهوور شێخ جەنگی له‌ په‌یامێكدا داوای له‌ خه‌ڵك كرد بۆ هه‌ڵبژاردن ئاماده‌بن و به‌شداری كارایان هەبێت.