لەبارەی هەڵبژاردن داوایەك ئاراستەی كۆمپانیاكانی سنووری هەولێر دەكرێت

ئاڤا نیوز

 

لیژنەى ئەمنیى هەڵبژاردنى پارێزگاى هەولێر سەبارەت بە بەڕێوەچوونی پرۆسەی هەڵبژاردن، داوایەك ئاراستەی خاوەنكار و كۆمپانیاكانی سنووری هەولێر دەكات.

 

وێنە گەورەکە: ڕۆژی هەینی 18ـی تشرینی یەکەمی 2024، دەنگدانی تایبەت بۆ هەڵبژاردنی پەرلەمانی کوردستان بەڕێوەچوو، بەپێی ئاماری کۆمیسیۆن، ڕێژەی بەشداریکردن 97% بووە و بڕیارە سبەی یەکشەممەش دەنگدانی گشتیی لەسەرانسەری هەرێمی کوردستان بەڕێوەچێت.

 

ڕاگەیێنراوی فەرمی: ئومێد خۆشناو، سەرۆکی لیژنەى ئەمنیى هەڵبژاردنى پارێزگاى هەولێر ڕایگەیاند: بۆ بەشداریكردن لە دەنگدان، بڕیارمان دا سبەی سەرجەم کۆمپانیا و خاوەنکارانى کەرتى تایبەت ماوەى 2 کاتژمێر مۆڵەت بدەن بە کارمەند و کرێکارانیان، تاوەکو لەو مافەى خۆیان بێبەشن نەبن و بەشداربن لەو پڕۆسە دیموکراتییە و دەنگ بدەن.

 

لەلایەكی دیكەوە: سەرۆكی لیژنەی ئەمنیی هەڵبژاردنی پارێزگای هەولێر لەبارەی قەدەغەی هاتووچۆ ئەوەی گوت، "سەرجەم ڕێگاکان و بازگەکانى سنوورى پارێزگاى هەولێر کراوەن و هاتووچۆى هاووڵاتییانیش بە ئۆتۆمبێل لە نێوشار و قەزا و ناحیەکان ئاساییە و ڕێگە پێدراوە".