ناکۆکی ڕێکخراوی بەدر و عەسائیبی ئەهلی حەق بۆ کۆنترۆڵکردنی دیالە

ئاڤا نیوز

 

تاوەکو ئێستا لایەنەکانی ئەنجوومەنی پارێزگای دیالە نەیانتوانیوە پارێزگارێکی نوێ بۆ شارەکە دیاری بکەن؛ ئەنجوومەنەکە بووەتە دوو بەرە و  کێشە لەسەر کاندیدی پۆستەکە هەیە. 

 

چیرۆکی سەرەکی: هادی عامری، ئەمینداری ڕێکخراوی بەدر، ڕژدە لەسەر دانانەوەی موسەنا تەمیمی لە پۆستی پارێزگاری دیالە، بەڵام بزووتنەوەی عەسائیبی ئەهلی ‌حەق و چەند فراکسیۆنێکی سوننە، رەتیدەکەنەوە و ئەمەش هۆکاری یەکلایی نەکردنەوەی پۆستی پارێزگاری شارەکەیە. 

 

چی ڕوودەدات؟ بەهۆی ڕێککنەکەوتن لەسەر دانانی پاێزگار، ئەنجوومەنی پارێزگای دیالە بووەتە دوو بەرە؛ بەرەیەکیان هەشت کورسی هەیە و بەرەکەی دیکەش حەوت کورسی هەیە، لەبەرئەوەی قورسە هەر کامیان بتوانێت نۆ دەنگ بەدەستبهێنێت و پۆستەکە یەکلایی بکاتەوە.

 

لێدوانی فەرمی: فارس جبوری، ئەندامی ئەنجوومەنی پارێزگای دیالە لە فراکسیۆنی سیادە بە ئاڤا نیوزی ڕاگەیاند: "دەستپێشخەرییەک هەیە رەنگە لە چەند رۆژی داهاتوودا بخرێتەڕوو، ئەویش ئەوەیە ئەو دوو لایەنە ناکۆکە دوو ساڵ بە دوو ساڵ پۆستی پارێزگار و سەرۆکی ئەنجوومەنیان لابێت".