ڕاستەوخۆ؛ تەقینەوە و هێرشی چەکداری لە ئەنقەرە؛ کوژراو و بریندار هەیە

ئاڤا نیوز

 

بە تەقینەوە و دەستڕێژیی گوللە هێرش کراوەتە سەر کۆمپانیای پیشەسازیی فڕۆکەوانی تورکیا  و کوژراو و بریندار هەیە.

ئەوەی لەبارەیەوە دەگوترێت: میدیاکانی تورکیا لەبارەی هێرشەکەوە دەڵێن، دەنگی تەقینەوەیەکی بەهێز لە شوێنەکە بیستراوە، هاوکات ڤیدیۆی هێرشی چەکداری و پێکدادان لە شوێنی ڕووداوەکە بڵاوکراوەتەوە، وەک لە ڤیدیۆکانیش دەردەکەوێت یەکێک لە چەکدارەکان ژن بووە.

 

ڕاگەیێنراوی فەرمی: وەزیری ناوخۆی تورکیا لە تۆڕی کۆمەڵایەتی ئێکس هێرشەکەی بە تیرۆریستی داناوە و ڕایگەیاندووە: "هێرشەکە کراوەتە سەر دامەزراوەکانی پیشەسازیی فڕۆکەوانی لە ناوچەی هرەمانکازان لە ئەنقەرە، بەداخەوە شەهید و بریندرارمان هەیە".

 

لەلایەکی دیکەوە: هۆکاری تەقینەوەکە و هێرشە چەکدارییەکە تائێستا نەزانراوە، هەندێک میدیای ناوخۆی تورکیا دەڵێن، "هێرشەکە خۆکوژی بووە".

بۆچی گرنگە: کۆمپانیای فڕۆکەوانی تورکیا  کە بە 'توساس' ناسراوە، یەکێکە لە گرنگترین کۆمپانیاکانی بواری فڕۆکەوانی لە تورکیا و یەکەمین فڕۆکەی شەڕکەری تورکیای دروست کردووە بە ناوی "کان".

 

ئەوەی لەبارەیەوە دەگوترێت: چەند وێنەیەک لە میدیاکان و تۆڕە کۆمەڵایەتییەکان بڵاوکراونەتەوە گوایە بارمتەن و لەلایەن هێرشکارانەوە دەستبەسەر کراون.

 

ڕاستەوخۆ؛ نوێترین زانیاری لەبارەی هێرشەکە