كۆمیسیۆن هۆكاری زیادبوونی ژمارەی دەنگە پووچەڵەكان ئاشكرا دەكات

ئاڤا نیوز 

 

بەرپرسێكی كۆمیسیۆنی سەربەخۆی هەڵبژاردنەكان، هۆكاری زیادبوونی دەنگە پووچەڵەكانی هەڵبژاردنی پەرلەمانی كوردستان ئاشكرا دەكات.

 

وێنە گەورەكە: ڕۆژی 20-10-2024، هەڵبژاردنی خولی شەشەمی پەرلەمانی كوردستان بەڕێوەچوو، كۆمیسیۆن 99.63% ئەنجامی بەرایی دەنگدانی ئاشكرا كردووە و لە ڕۆژانی داهاتووش ئەنجامی كۆتایی ڕادەگەیێنێت.

 

لێدوانی فەرمی: نەبەرد عومەر، بەرپرسی دەستەی هەڵبژاردنەکانی هەرێمی کوردستان لە کۆمیسیۆن ڕایگەیاند: لە هەولێر 97 هەزار، لە سلێمانی 90 هەزار، لە دهۆک 18 هەزار  دەنگی پووچەڵ هەیە، تێكڕا 208 هەزار دەنگی پووچەڵ لە هەڵبژاردنی ئەمجارە هەبووە.

 

هۆکارە زانراوەکان: ئەو بەرپرسەی كۆمسیۆن هۆكاری زۆری ژمارە دەنگی پووچەڵی بۆ  بەرزیی ڕێژەی بەشداریی دەنگدەران لە هەڵبژاردن گەڕاندەوە و ڕایگەیاند: لە هەڵبژاردنی ساڵی 2021، 197 هەزار دەنگی پووچەڵ هەبوو، بەڵام ڕێژەی بەشداری كەمتر بوو، ئەمجارەش لەگەڵ بەرزبوونەوەی ڕێژەی بەشداری، ژمارەی دەنگە پووچەڵەكانیش زیادی كردووە، ئەمەش هۆكارە سەرەكییەكەیە.