لە هێرشەکانی تورکیا بۆ سەر سووریا 27 کەسی مەدەنی کوژران و بریندار بوون

ئاڤا نیوز

هێزە ئاسمانییەکانی تورکیا لە ماوەی 24 کاتژمێردا چەندین هێرشیان بۆ سەر سووریا ئەنجام داوە و چەندین ژێرخانی ئەو وڵاتەیان لە باکوور و باکووری ڕۆژئاوا کردووەتە ئامانج.

 

وێنە گەورەکە: لە ماوە 24 کاتژمێردا هێزەکانی تورکیا 49 هێرشیان بۆ سەر سووریا ئەنجام داوە و بە هۆیەوە 27 کەسی سڤیل کوژران و بریندار بوون.

 

زانیاریی زیاتر: لەم ژمارەیەدا 8 کەسیان کرێکاری بەنزینخانەیەک بوون لە حەسەکە بە هۆی هێرشەکەوە کوژراون. هاوکات لە کوبانی ڕاگەیاندنکارێکی سەر بە هێزەکانی ئاسایش کوژراوە. 

 

ئەوەی پێویستە بیزانیت: 45 لە هێرشەکان بە فڕۆکەی بێفڕۆکەوان و 4 ـیشیان بە فڕۆکەی جەنگی ئەنجام دراون و چەندین ژێرخانی سووریایان لە باکوور و باکووری ڕۆژئاوای وڵات بە ئامانج گرتووە. 

 

ئەوەش بزانە: ئەم هێرشانە دوای هێرشەکەی سەر کۆمپانیایەکی پیشەسازیی بەرگریی تورکیا لە ئەنقەرە دێت کە بە هۆیەوە گرژییەکانی زیاتر کردووە.