سوپای پاسداران: وەڵاممان بۆ ئیسرائیل زۆر تاڵ و بێوێنە دەبێت

ئاڤا نیوز

لە وەڵامی هێرشی ئیسرائیل، فەرماندەی سوپای پاسدارانی ئێران هەڕەشە لە ئیسرائیل دەکات و دەڵێت، وەڵامیان زۆر تاڵ و بێوێنە دەبێت.

 

وێنە گەورەکە: هەرچەندە دەیان وڵاتی جیهان داوا لە ئێران دەکەن وەڵامی هێرشی ئیسرائل نەداتەوە و لە هەوڵدان بۆ ڕێگریکردن لە پەرەسەندنی گرژییەکانی ڕۆژهەڵاتی ناوەڕاست، بەڵام ئێران هەڕەشەی تۆڵەکردنەوە دەکات.

ڕاگەیێنراوی فەرمی: حوسێن سەلامی، فەرماندەی سوپای پاسداران ڕایگەیاند: ئیسرائیل لە هێرشەکە نەیتوانیوە ئامانجەکانی بپێکێت، ئەوەشی بەبێ دەسەڵاتی ناو برد.  هۆشداریشی دا لە لێکەوتەکانی هێرشەکە و گوتی: ''زۆر تاڵ و بێوێنە دەبن''.

 

بۆچوونی بەرامبەر: بنیامین نەتانیاهۆ، سەرۆکوەزیرانی ئیسرائیل ڕایگەیاندووە، هێرشەکانیان بۆ سەر خاکی ئێران هەموو ئامانجەکانی پێکاوە و هێرشەکان تووند و سەخت بوون.

باکگراوند: ئێران لە تۆڵەی کوژرانی ئیسماعیل هەنیە و حەسەن نەسڕوڵڵا، یەکی ئەم مانگە بە نزیکەی 200 مووشەک هێرشی کردە سەر ئیسرائیل، بەڵام هیچ کوژراوێکی لێنکەوتەوە. دوای 26 ڕۆژ ئیسرائیل بە فڕۆکەی جەنگی وەڵامی هێرشەکەی دایەوە و چەند شوێنێکی لە ئێران بۆردوومان کرد، بەهۆیەوە چوار سەرباز کوژران.