سەرۆك بارزانی و موسەننا ئەلسامەرائی پەیوەندییەکانی هەولێر و بەغدا تاوتوێ دەکەن

ئاڤا نیوز

 

سەرۆك بارزانی و سەرۆكی هاوپەیمانێتیی عەزم پەیوەندییەکانی حکومەتی هەرێمی کوردستان و حکومەتی عێراق تاوتوێ دەکەن.

چیرۆکی سەرەکی: لە سەلاحەددین سەرۆك مەسعود بارزانی پێشوازی لە موسەننا ئەلسامەرائی، سەرۆكی هاوپەیمانێتیی عەزم كرد.

ڕاگەیێنراوی فەرمی: بەپێی ڕاگەیێنراوێکی بارەگای بارزانی، لە دیدارەكەدا بارودۆخی سیاسیی عێراق و دوایین پێشهاتەكان و پەیوەندییەكانی نێوان حكومەتی هەرێمی کوردستان و حكومەتی عێراقی فیدڕاڵ تاوتوێ كراون.

زانیاریی زیاتر: هەردوولا ڕۆشناییان خستووەتە سەر بەڕێوەچوونی هەڵبژاردنی خولی شەشەمی پەرلەمانی كوردستان، سەرۆكی هاوپەیمانێتیی عەزم پیرۆزبایی سەركەوتنی پڕۆسەکەی لە سەرۆك بارزانی كردووە.