ئیسرائیل هێرشی مووشەکیی دەکاتە سەر خاچی سووری لوبنانی

ئاڤا نیوز

 

سوپای ئیسرائیل لە  ناوچەی تایر لە لوبنان بە مووشەکێک هێرش دەکاتە سەر خاچی سووری ئەو وڵاتە.

 

چی ڕوودەدات: ڕۆژی سێشەممە ڕێککەوتی 2024/10/29، سوپای ئیسرائیل تیمەکانی خاچی سووری لوبنانی لە باشووری وڵاتەکە کردە ئامانج. ئەم هێرشەی ئیسرائیل لەکاتێکدایە هەماهەنگی هەبووە  لەگەل تیمەکانی ئاشتیپارێزی نەتەوەیەکگرتووەکان بۆ کردنەوەی ڕێڕەوێکی پارێزراو بۆ تیمەکە. 

 

ڕاگەیێنراوی فەرمی: خاچی سووری لوبنانی ڕاگەیاند: دوای هێرشی ئیسرائیل بۆ سەر ناوچەی تایر لە باشووری لوبنان، تیمەکانیان بۆ هاوکاری کردنی بریندارەکان بەڕێکەوتوون، بەڵام سوپای ئیسرائیل بەمووشەکێک هێرشیان کردووەتە سەریان. 

 

ئەوەی پێویستە بیزانیت: لەسەرەتای دەستپێکردنی ئۆپەراسیۆنەکانی ئیسرائیل بۆ سەر لوبنان، دوو هەزار 710 کەس کوژراون و 12 هەزار و 592 کەسی دیکەش برینداربوون، هاوکات یەک ملیۆن و 500 هەزار کەسیش ئاوارەبوون.