کوژرانی هەشت چەکدار و بەرپرسی داعش لە کەرکووک پشتڕاست کرایەوە

ئاڤا نیوز

کوژرانی هەشت چەکدار و بەرپرسی داعش لە سنووری کەرکووک بەهۆی هێرشێکی ئاسمانی پشتڕاست کرایەوە.

 

وێنە گەورەکە: ماوەیەکە جووڵەی چەکدارانی داعش لە سنووری کەرکووک و ئەو ناوچانەی پێیان دەگوترێت بۆشایی ئەمنی لەنێوان پێشمەرگە و سوپای عێراق زیاد بووە، بۆیە هێزە ئەمنییەکان چالاکییەکانیان بۆ کۆنترۆڵکردن و لەنێوبردنیان چڕتر کردوونەتەوە.

ڕاگەیێنراوی فەرمی: ئەمڕۆ چوارشەممە ئۆپەراسیۆنە هاوبەشەکانی عێراق پشتڕاستی کردەوە بەهۆی هێرشێکی ئاسمانییان کە دوو ڕۆژ پێش ئیستا کراوە، هەشت ئەندامی ڕێکخراوەکە (چەکدار و سەرکردە) کوژراون. 

باکگراوند: ڕۆژی سێشەممە 22-10-2024، محەممەد شیاع سوودانی، سەرۆکوەزیرانی عێراق لە ڕاگەیێنراوێکدا کوژرانی والی داعش لە عێراق و هەشت گەورە سەرکردەی دیکەی ڕێکخراوەکەی لە زنجیرە چیای حەمرین لە باشووری کەرکووک ڕاگەیاند.