سەدر: خۆم چاودێری كەیسی تیرۆركردنی ئەیسەر خەفاجی دەكەم

ئاڤا نیوز

موقتەدا سەدر، ڕێبەری ڕەوتی سەدر ڕایگەیاند، خۆی چاودێری كەیسی "تیرۆركردنی" چالاكوان ئەیسەر خەفاجیی دەكات، تاوەكو تاوانباران بە سزایی خۆیان دەگەن.

ڕاگەیێنراوی فەرميی: موقتەدا سەدر، ڕێبەری ڕەوتی سەدر پەیوەندی بە دایكی چالاكوان ئەیسەر خەفاجییەوە كرد و پێی ڕاگەیاند" خۆی بە شێوەیەكی ڕاستەوخۆ چاودێری كەیسەكە دەكات، لەگەڵ لایەنی دادوەری و یاسایی، تاوەكو دەگەنە تاوانباران و سزای دادپەروەرانەی خۆیان وەردەگرن".

لەلایەكی دیكەوە: دوێنێ سەدر پەیامێكی لەبارەی گرژییەكانی بابل بڵاوكردەوە و هۆشداریی بە لایەنگرانیدا "لە كاردانەوەی ئەرێنی و نەرێنیی بەرامبەر بە كاری گەندەڵكاران و میلیشیا "بێ ئابڕووەكان".

باكگراوند: ڕۆژی 18 ی ئەم مانگە ئەیسەر خەفاجی، ئەندامی ڕەوتی سەدر لە بابل ڕفێنرا، ڕۆژی دواتر تەرمەكەی دۆزرایەوە.