لە هیندستان نوێژ و نزا بۆ سەرکەوتنی کامالا هاریس دەکرێت

ئاڤا نیوز

هاوکات لەگەڵ دەستپێکردنی هەڵبژاردنی سەرۆکایەتیی ئەمریکا، کەسایەتییە ئایینییەکان و خەڵکی گوندێکی هیندستان نزای سەرکەوتن بۆ کامالا هاریس دەکەن.

وێنە گەورەکە:  ئەمڕۆ سێشەممە خەڵکی گوندی تولاسێندراپورام لە ویلایەتی تامیل نادو لە هیندستان، نوێژ  و نزایان کرد  و سروودی ئایینییان خوێند بۆ سەرکەوتنی کامالا هاریس، بەربژێری دیموکراتەکان بۆ سەرۆکی ئەمریکا. ئەوان کامالا بە کچی خاکی هیندستان ناوزەند دەکەن.

 

زانیاری بەدەستهاتوو: یەکێک لە کەسایەتییە ئایینیەکانی هیندۆس ڕایگەیاند: ''کامالا یەکێكە لە ئێمە و سەردەکەوێت، کاتێک سەرکەوت سبەی لە پەرستگاکانمان خواردن دەبەخشین''. 

زانیاریی زیاتر: پی ڤی گۆپالان، باپیری کامالا هاریس لە گوندی تولاسێندراپورام لەدایک بووە، چوار ساڵ لەمەوبەریش هەمان ڕێورەسمی ئاینییان بۆ سەرکەوتنی جۆ بایدن، کاندیدی دیموکراتەکان و سەرکەوتنی کامالا هاریس بۆ جێگری سەرۆکی ئەمریکا کرد.

باگراوند: کامالا هاریس لە دایکێکی هیندی و باوکێکی جامایکی لەدایک بووە و بۆ خوێندن کۆچی کردووە بۆ ئەمریکا.